Plantun de Prouvènço

Pèr coumpara dos planto d'encò nostre

Euphorbia stricta & Salvia aethiopis

Euphorbia stricta

Euphorbiaceae

Nom en français : Euphorbe raide.

Descripcioun :
La lachusclo-redo es uno planto de l'an di proun raro au nostre que trachis pulèu dins lou cèntre de l'Éuropo. Ei primo, quàsi sènso péu emé de fueio qu'embrasson la cambo, mai pas gaire. Li brout (oumbello) an de 3 à 4(5) rai. Coumpara emé la lachusclo-di-fueio-plato o la lachusclo-berrugouso que ié sèmblon proun.

Usanço :
Coume tóuti lis meno d'Euphorbia, la lachusclo-redo es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco.

Port : Grando erbo
Taio : 20 à 60(80) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Verdo
Petalo : ges
Ø (o loungour) flour : 2 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun

Liò : Champ - Prado umido
Estànci : Mountagnard à Subaupen
Couroulougi : Éuropenco-caucasiano
Ref. sc. : Euphorbia stricta L., 1759

Sàuvi(-d'Etioupìo)

Salvia aethiopis

Lamiaceae Labiaceae

Nom en français : Sauge d'Éthiopie.

Descripcioun :
La sàuvi-d'Etioupìo, qu'a d'Etioupìo que lou noum (óurigino éurasiatico) sèmblo proun à la touto-bono en mai pichoto. Pamens èi mai lanouso, a mens d'óudour e flouris forço. Un cop se, li sepalo pougnon. Es uno planto que s'atrobo mens qu'à passa tèms. Coumpara emé la touto-bono que ié sèmblo un pau.

Usanço :
Mens couneigudo que lis àutri sàuvi, sis usanço poudrien pamens èstre proche. Lucho contro l'inflamacioun, li fèbre e la doulour ; èi peréu antisepti.